Баерн во Шпанија ја најде замената за Робен

Раководството на Баерн Минхен е заинтересирано за крилниот фудбалер на Селта, Брајс Мендес, пренесува германски „Кикер“.

Баварскиот гигант е спремен да ја активира откупната клаузула за 22-годишниот фудбалер, која изнесува 25 милиони евра.

Минатата сезона Мендес постигна 6 гола и запиша 7 асистенции, па го привлече вниманието на неколку европски гиганти.

Баерн е во потрага по засилување за крилните позиции, но поради потешкотиите да дојде до потписите на Сане и Дембеле, ќе се сврти кон други цели.

Мендес е млад и перспективен фудбалер со „пристојна“ цена, па поради тоа Баварците се одлучиле да ја активираат откупната клаузула.

https://youtu.be/wdfRgxy0Nnc