Атлетико се засили со фудбалер кој беше мета на Манчестер Јунајтед и Арсенал

Eкипата на Атлетико Мадрид се засили со младиот белгиски фудбалер, Артур Вермерен.

18-годишниот Вермерен беше на мета и на клубови како Манчестер Јунајтед и Арсенал, меѓутоа Атлетико најбрзо реагираше и го доведе во своите редови.

Зад себе тој веќе има два натпревари за сениорската репрезентација на Белгија, а во клубот доаѓа од Антверпен.

Тој е дете на Антверпен каде што за првпат шанса во првиот тим доби во 2022 година и од тој момент собра вкупно 65 натпревари.