Легендарниот италијански тренер, Ариго Саки тврди дека Јувентус во моментов нема ривали во Серија А и дека без проблеми ќе го освои Скудетот, кое за „бјанконерите“ ќе биде шесто по ред.
„Јувентус е индивидуално најдобар тим, има одличен тренер. Иако му се потребни нови фудбалери, бидејќи полека доаѓа до смена на генерации, сепак Јуве е прв со голема предност и огромна самодоверба. Не гледам дека има ривали во Италија“, истакна Саки.
Лига Нации: Се освен прво место ќе биде катастрофа за Македонија! ↓↓↓
Саки тврди дека во моментов Милан, Рома, Наполи и Интер не се на нивото на Јувентус, па доколку „старата дама“ не го освои Скудетото тоа би било фудбалско самоубиство.
„Не може да се каже дека Милан е ривал на Јувентус. ’Росонерите’ имаат одлични резултати, но само благодарение на Монтела, немаат тим да го бркаат Јуве. Интер ја почна катастрофално сезоната, а Рома иако игра убав фудбал го нема потребниот менталитет. Доколку Јуве не ја освои титулата тоа ќе биде фудбалско самоубиство“, заклучи легендарниот тренер.
Учество во игри на среќа е дозволено за лица со 18+ години. Играј одговорно!