Дома Фудбал Анчелоти синоќа доби отказ, но веќе се спрема на пат за Англија

Анчелоти синоќа доби отказ, но веќе се спрема на пат за Англија

Карло Анчелоти доцна синоќа беше и официјално отпуштен од клупата на Наполи.

Во последно време многу се пишуваше за италијанскиот стручњак дека ќе го напушти Наполи, а тоа беше потврдено синоќа иако го одведе овој клуб во нокаут фазата од Лигата на шампионите.

Сепак, пред натпреварот против белгискиот клуб, Наполитанците беа девет натпревари без победа во сите натпреварувања, па Де Лаурентис одлучи дека е време за промена.

Анчелоти остана во Наполи само година ипол, а по отказот веќе започнаа шпекулациите за неговата следна дестинација.

Така, англиските медиуми пишуваат дека Арсенал и Евертон сакаат да го видат италијанскиот стручњак на својата клупа.

Топџиите неодамна му врачија отказ на Унаи Емери, а како привремено решение беше избран Фредрик Љумберг.

Од друга страна, Евертон исто така игра лошо оваа сезона поради што Марко Силва пред неколку дена доби отказ.

Двата клуба сакаат да го видат Анчелоти на својата клупа и подготвени се да преговараат со него, а останува да се види дали 60-годишниот стручњак ќе одлучи да ја прифати понудата на некој од овие два клуба.

Коментари
Advertisements
Прочитајте поврзани статии
Load More In Фудбал

Проверете

Гризман ја спаси Барселона од срам против третолигашот Ибица

Барселона денес едвај ја го победи тимот на Ибица во купот на Шпанија. Ибица шокантно стиг…