Хрватскиот голман Доминик Ливаковиќ е нов член на Барселона. Веќе се потпишани сите документи со кои 31-годишникот направи трансфер на животот, но сè уште останува да се реши ситуацијата каде ќе брани наредната сезона.
Фенербахче ќе инкасира два милиони евра веднаш за неговите услуги, како и дополнителни два милиони евра преку бонуси, но само ако се остварат.
Барселона веднаш ќе побара клуб за позајмица на хрватскиот голман. Планот е тој да дојде во клубот следното лето откако Војчех Шчесни ќе ја заврши кариерата и да биде резерва на Хоан Гарсија.
Ливаковиќ наскоро ќе биде претставен како нов играч на Барса, а останува да се види во кој клуб ќе биде испратен на едногодишна позајмица.
Јасно е дека тоа нема да биде Динамо, кој ја одби можноста да го доведе голманот на една година. Тие се насочија кон Доминик Котарски и тој наскоро ќе потпише.
Учество во игри на среќа е дозволено за лица со 18+ години. Играј одговорно!