Азар ја користи тактиката на Роналдо за да изнуди трансфер

Еден Азар одигра фантастично на Мундијалот, а добрата форма ја пренесе и во првенството, па оваа сезона блеска во дресот на Челзи.

Поради тоа логично е што е примарна трансфер цел на Реал Мадрид, а во неколку наврати и самиот Азар флертуваше со „кралскиот“ клуб.

Неодамна Азар повторно изјави дека негов сон е да игра за Реал Мадрид, а Челзи иако сака да го задржи проблем е неговиот договор. Белгиецит се уште не ставил потпис на нов договор, а на лето ќе влезе во последната година од договорот.

Челзи ќе биде ставен пред свршен чин, а медиумите на Островот тврдат дека неговиот трансфер во Реал Мадрид е само прашање на време.

Англиските медиуми притоа потсетуваат дека Кристиано Роналдо ги користел истите методи додека играше за Манчестер Јунајтед за да исфорсира трансфер во Реал Мадрид.