Љубовта пред парите: Де Роси на сопствениците на Рома им поставил само еден услов

Даниеле Де Роси седна на клупата на Рома на местото на Жозе Мурињо кој доби отказ во римскиот клуб по лошите резултати.

Де Роси е вистинска легенда на Рома, а неговата љубов ја покажал и со тоа што не побарал пари и посебно услови, туку само бонус ако тимот се пласира во Лигата на шампионите.

Рома ќе мора да му исплати оштета на Мурињо, па Де Роси затоа не правел проблеми.

„Во разговорот со газдите бев јасен. Седнав и им кажав да го напишат износот на парите кои сакаат да ми го понудата и јас ќе прифатам. Имав само еден услов. Побарав бонус ако се пласираме во Лигата на шампионите.

Можеби нема да имам многу вакви шанси во кариерата и навистина сакам да ја искористам. Договорот е на шест месеци и нема клазула за автоматско продолжување се зависи од резултатите и како клубот ќе биде задоволен“, изјави Де Роси.