Готово: Дибала самиот најави заминување од Рома!

Пауло Дибала (32) откри дека Рома сè уште не го контактирала за да го продолжи договорот, потврдувајќи дека дербито против Лацио наредниот викенд ќе биде неговата последна домашна утакмица за клубот ако не се постигне договор. Оваа изјава дојде по драматичната победа на Рома од 3-2 на гостински терен против Парма, која ја одржа нивната надеж за пласман во Лигата на шампионите, пишува Football Italia.

По натпреварот, Дибала на „Скај Спорт“ отворено зборуваше за својата неизвесна иднина. “И јас би сакал да знам што ќе биде со мене. Договорот ми истекува по две натпревари. Според моменталната состојба, дербито ќе биде моја последна средба пред нашите навивачи”, рече аргентинскиот фудбалер.

На директното прашање дали клубот го контактирал за нов договор, Дибала кратко и јасно изјави: “Не”.