Јутјуберот Пол го истепа и Нејт Дијаз 🎥

Бокс мечот помеѓу Џејк Пол и Нејт Дијаз кој се одржа во „Американ ерлјанс центарот“ по десет рунди заврши со победа на познатиот јутјубер.

Пол победи со одлука на судиите кои гласаа 97:92, 98:91 и 98:91 во негова корист. За Дијаз ова беше боксерско деби по разделбата со УФЦ. Уште во првата рунда Пол го нападна својот ривал и му зададе неколку сериозни удари, таа прва рунда веројатно беше и клучна.

По крајот на борбата двајцата си честитаа и Пол го покани Дијаз повторно да се сретнат, но сега во октагон. Пол веќе гради респектабилна кариера во боречките спортови затоа што има скор 7:1 и победуваше имиња како Андерсон Силва и Нејт Робинсон, а единствениот пораз му е со одлука на судиите од Тајсон Фјури.

JAKE PAUL DROPS NATE DIAZ LOOLL pic.twitter.com/zhC8mtu1Tl

— KingCharge (@KingChargeYT) August 6, 2023