ПСЖ ја одредил цената за Мбапе ако одбие да потпише нов договор?

Килијан Мбапе одигра одличен натпревар за ПСЖ на гости против Барселона (1:4).

ПСЖ дојде до убедлива победа во првиот натпревар од осминафиналето, а Мбапе постигна хет-трик.

Веднаш по натпреарот Мбапе повторно се поврзуваше со Реал Мадрид, наводно „кралевите“ сакале да побрзаат и да го завршат неговиот трансфер на крајот од сезоната. Во ПСЖ секако не сакаат да се откажат и ќе се обидат да го убедат Мбапе да потпише нов договор.

Меѓутоа како што пишува „Ле Паризиен“ во францускиот клуб се свесни дека постои можност младиот напаѓач да побара заминување.

И самиот Мбапе неодамна порача дека не е сигурен дали ќе ја продолжи соработката со клубот од Париз.

Во таков случај ако Мбапе дефинитивно одбие да стави потпис, Французите тврдат дека неговата цена ќе изнесува 200 милиони евра.