ПСЖ и Манчестер Јунајтед ја почнаа битката за Левандовси

Манчестер Јунајтед и ПСЖ сериозно ја разгледуваат можноста на лето да го ангажира напаѓачот на Баерн Минхен, Роберт Левандовски. 

33-годишниот напаѓач на лето ќе влезе во последната година од договорот, но се уште нема најава за продолжување на соработката.

Неговиот агент, Пини Захави изјави дека никој од Баерн не го контактирал за нов договор и не ја исклучува можноста Левандовски да ја промени средината на лето.

Најсилен интерес за полскиот голгетер покажуваат Манчестер Јунајтед и ПСЖ, кои сакаат да ја искористат ситуацијата и да го донесат во своите редови.

„Билд“ пренесува дека Јунајтед веќе испратил богата понуда до Левандовски до 2025 година, но во следните денови Захави ќе има средба со раководството на ПСЖ.