Денес во македонската ракометна Суперлига се одигра дербито помеѓу Вардар и Е.Пелистер.
Во почетните минути гледавме изедначен натпревар во кој се играше гол за гол, така беше до шестата минута кога Вардар почна да се „одлепува“. Од таа шеста минута, до десетата Вардар направи предност од 7:4. Одличен во тие моменти кај црвено-црнтие беше Анте Гаџа кој постигна три гола.
Пред дербито, падна најважниот потпис во Манчестер Сити! ↓↓↓
На половина од полувремето гостите од Битола успеаа да се вратат на само -1. (8:7).
Следните минути одново донесоа подобра игра на Вардар. Во 20 минута Дибиров пресече една контра и погоди за плус 4 (11:7). И тука Вардар не застана постигна гол и за 12:7, а Пелистер не го реализираше и следниот напад, па Вардар преку Стоилов дојде и до предност од шест гола разлика (13:7). Минуте без гол во 22. минута за гостите ја прекина Граџан. (13:8).
Со серија од 3:0 Е.Пелистер се врати на -3 на пет минути до крајот на првиот дел. (13:11).
Како да се менуваа двете екипи со сериите, па по таа серија од 3:0 на гостите Вардар, направија иста таква за враќање на предноста од пет гола разлика (16:11).
На полувреме се замина со резултат 17:12.
Најефикасни на полувремето беа Дисингер и Гаџа кај Вардар со по четири гола, на спротивната страна по толку постигнаа Граџан и Мандалиниќ.
Учество во игри на среќа е дозволено за лица со 18+ години. Играј одговорно!