Познато колку време ќе паузира Мохамед Салах

Мохамед Салах нема сериозна повреда на глуждот после остриот старт на Хамза Чадури за време на мечот против Лестер, пренесуваат англиските медиуми.

Денес Салах беше детално прегледан на скенер, кој покажа дека нема сериозна повреда, но состојбата детално ќе биде следена наредните денови.

Сега следува репрезентативна пауза, па лекарите тврдат дека Салах ќе има доволно време да се рехабилитира до дербито со Манчестер Јунајтед на 20-ти октомври.

Салах доби повреда во последните минути од мечот со Лестер, но и покрај тоа остана на теренот до последниот судиски свиреж, па после мечот Клоп изрази загриженост за неговата состојба.