Пандев: Парма е голем клуб, отсекогаш ми се допаѓал

Поранешниот македонски репрезентативец Горан Панде во јануари ја напушти Џенова и да се пресели во Парма.

Пандев сега ќе настапува во Серија Б, но вели дека е среќен што игра во клуб со голема историја каде настапувале големи шампиони во минатото.

„Парма има голема историја и е важен клуб, многу шампиони играле тука. Отсекогаш ми се допаѓала Парма, дури и кога сум играл против нив. Секогаш беа многу тешки натпревари и атмосферата секогаш беше фантастична. Стадионот е одличен. Сите овие се причините зошто решив да се приклучам и среќен сум што сум тука“, изјави Пандев за клучскиот сајт.

Легендарниот Македонец најверојатно на крајот на сезоната ќе стави крај на својата богата кариера.