Лаказет го напушта Арсенал, но останува во Лондон

Александре Лаказет дефинитивно ќе го напушти Арсенал на крајот на сезоната и веќе почна да бара нов клуб.

Договорот на Лаказет истекува на крајот на сезоната, „топџиите“ му понудија едногодишен договор, но напаѓачот ја одби понудата.

Најсилен интерес за него покажува Вест Хем, па големи се шансите Французинот да остане во Премиер лигата.

Лион исто така сака да го врати во своите редови, но проблем е високата плата, која пак „чеканите“ нема да имаат проблем да му ја плаќаат.

Лаказет од почетокот на сезоната запиша 28 настапи на кои постигна 8 гола и веќе започнал преговори со Вест Хем, каде треба да пристигне како слободен агент.