Капитенот на Милан се сели во Лацио

Капитенот на Милан, Алесио Ромањоли готово сигурно ќе го напушти „Сан Сиро“ на крајот на сезоната.

Договорот на Ромањоли истекува на крајот на сезоната, а преговорите за продолжување на соработката се прекинати од поодамна.

Милан веќе бара негова замена, а дефанзивецот започна преговори со Лацио и е многу блиску до преселба на „Олимпико“.

„Газета дело Спорт“ пренесува дека Ромањоли ја прифатил понудата од Лацио за 5-годишна соработка и плата од 3,2 милиони евра по сезона.

Ромањоли никогаш не криел дека е голем фан на Лацио, па сега ќе може да игра за клубот од неговиот роден град.