Вардарки демонстрираа сила и против Ларвик – Победа од 12 голови разлика!

Женскиот ракометен тим на Вардар денес ја запиша и третата победа во Лигата на шампионите, а нов „жртва“ на тимот кој е актуелн европски вицешампион беше норвешки Ларвик.

Вардарки одиграа уште еден фантастичен натпревар, а на крајот славеа со убедливи 31:19. Норвешкиот тим само на стартот од натпреварот, односно во првите десет минути имаши сили да се надигрува македонските претставнички, потоа на теренот играше само еден тим.

На полувреме Вардар замина со предност од 16:9, па веќе тука веројатно беше решено прашањето на победникот во продолжение тие само ја потврдија победата.

Најефикасни на натпреварот беа Сара Ристовска и Андреа Пенезиќ, зад нив следуваше Лекиќ со пет погодоци.