Алкантара оди во Премиер лигата, но не во Ливерпул?

Тиаго Алкантара дефинитивно ќе го напушти Баерн ова лето, но се уште не е познато каде ќе ја продолжи кариерата.

Познатиот новинар Гилијам Балаг тврди дека Ливерпул одолговлеува во преговорите бидејќи не сака големи трошоци ова лето, а тоа сакаат да го искористат Манчестер Јунајтед и Арсенал.

Тиаго би бил идеално засилување за Микел Артета кој ќе се обиде да создаде силен тим кој ќе игра офанзивно. Шпанецот е идеален за таква формација.

Од друга страна Јунајтед би добил одличен играч во средниот ред кој би играл покрај Бруно Фернандеш и Пол Погба.

За крај треба да се додаде дека семејството наводно го убедувало Алкантара кариерата да ја продолжи во Шпанија каде што го носеше дресот на Барселона.