Алили: Мојот сон сега е медал на Олимписките игри!

На плоштадот „Скендербег“ вчера беше пречекан Бесар Алили кој стана европски шампион во борење.

На пречекот на Алили присуствуваше градоначалникот на Град Скопје, Петре Шилегов како и голем број граѓани кои се собраа да го поздрават успехот на Алили.

Пречекот го организираше општината Чаир и неговиот боречки клуб „Лирија“. Градоначалникот на општина Чаир му додели плакета, а првиот човек на Скопје, Петре Шилегов покрај стипедијата која веќе ја има му вети и дополнителна парична помош.

„Господ ми помогна да победам во финалната борба. Верував дека ќе победам, но ова не е ништо, мојот сон сега е настап и медал на Олимписките игри“, изјави Алили на пречекот.

Алили стана шампион во борење во слободен стил во категоријата до 48 килограми.