Голема тага го зафати Лече бидејќи беше објавена веста дека за време на ноќта во тренинг кампот ненадејно почина физиотерапевтот на клубот, Грациано Фиорита, на 47-годишна возраст.
Поради оваа трагедија, натпреварот од 34. коло на Серија А помеѓу Аталанта и Лече, кој беше закажан за петок, 25 април во 20:45 во Бергамо, ќе биде одложен. Клубот од Лече оваа одлука ја соопшти преку официјалното соопштение.
Од семејна традиција до модерен бренд ↓↓↓
Тагата ги зафати играчите и стручниот штаб кои се наоѓаа во подготовки за дуелот против Аталанта. Грациано Фиорита, масажен терапевт и остеопат, беше долгогодишен член на стручниот тим на Лече и во клубот работеше повеќе од дваесет години. По него останаа сопругата и четири деца. Екипата и стручниот штаб веднаш го напуштија кампот и се вратија во Лече.
– Лече со длабока тага ја информира јавноста дека ненадејно не напушти Грациано Фиорита. Нашиот физиотерапевт, кој повеќе од две децении беше дел од жолто-црвеното семејство, се наоѓаше со екипата во кампот во Кочалио. Екипата веднаш ќе се врати во Лече, бидејќи натпреварот закажан за утре против Аталанта ќе биде одложен – стои на сајтот на клубот.
Учество во игри на среќа е дозволено за лица со 18+ години. Играј одговорно!