Трајковски: Заслужуваме в недела да имаме поголема поддршка од трибините

По натпреварот со Летонија задоволството од резултатот не го криеше и Александар Трајковски.

„Ако гледаме реално, три бода се три бода. Задовелсн сум за победата, го дадовме максимумот. Знаевме дека ќе биде тешко, се подготвувавме за ваков вид на натпревар.

Дали можевме да славиме со поголема разлика? Веројатно – да, бидејќи имавме многу шанси.

Се надевам дека в недела ќе бидеме попрецизни и ќе оствариме подобар резултат. Задоволен сум од прикажаното и секоја чест за гостите. 

Се надевам дека ќе имаме поголема поддршка в недела од трибините. Мислам дека со резултатите го заслуживме тоа“, изјави Трајковски по натпреварот.