Тен Хаг бара работа откако доби отказ од Јунајтед. Го посакува клуб од Бундеслигата?

Тимот во кој настапува Елиф Елмас, РБ Лајпциг е шест натпревари по ред без победа.

Во Бундеслигата забележа три порази и едно реми, додека во Лигата на шампионите загуби од Селтик и Интер.

Инсајдерот Патрик Бергер пишува за можното отпуштање на тренерот Марко Розе (48), Германец кој го презеде Лајпциг во летото 2022 година и на 105 натпревари оствари 61 победа, 17 нерешени и 27 порази.

Бергер именува двајца кандидати кои Лајпциг би ги довел на клупата. Првиот е Роџер Шмит (57), но тешко дека поранешниот тренер на Бенфика, ПСВ, Баер Леверкузен и РБ Салцбург би прифатил на средина од сезоната по заминувањето од португалскиот клуб во август.

Лајпциг на листата на кандидати го додаде и Ерик тен Хаг (54), Холанѓанецот кој во октомври доби отказ од Манчестер Јунајтед. Тој раководеше со Го Ахед Иглс, вториот тим на Баерн, Утрехт и Ајакс пред да го преземе Јунајтед во 2022 година. На 128 натпревари имаше 78 победи, 20 нерешени и 36 порази.