Teнзии на „Олд Трафорд“: Санчо го обвини Тен Хаг дека лаже

Се разбранува малку атмосферата на „Олд Трафорд“, Тен Хаг и Џејдон Санчо влегоа во јавна кавга.

Санчо не беше во составот за дербито против Арсенал кое Јунајтед го загуби со 3:1. По натпреварот новинарот на прес-конференцијата поставија прашање зошто Тен Хаг го изоставил.

„Зошто Санчо не е во составот? Поради слабите перформанси на тренинзите не беше селектиран. Секој секогаш треба да е на ниво“, изјави Тен Хаг.

Набрзо по ваквата изјава на Тен Хаг се огласи Санчо кој тврди дека стратегот на Манчестер Јунајтед лаже.

„Ве молам не верувајте во се што ќе слушнете. Нема да дозволам да се зборуваат невистини за мене, на тренинзите во изминатата недела бев навистина добар. Мислам дека има други причини зошто не бев во составот, а во нив не сакам да навлегувам. Долго време јас сум жртвено јагне и не е фер“, порача фудбалерот.