Португалската ѕвезда Кристијано Роналдо неодамна стана соинвеститор во шпанскиот второлигаш Алмерија, а тренерот на тимот изјави дека би било фантастично ако 41-годишниот ветеран облече дресот на овој клуб.
Минатата недела, преку компанијата CR7 Sports Investments, Роналдо купи 25 проценти од акциите на клубот, што предизвика шпекулации за негово враќање во европскиот фудбал во улога на играч-сопственик, пренесува Daily Mail.
Спорт што не познава граници - Street Workout Macedonia | Уште еден поткаст
На прес-конференцијата пред натпреварот против Албасете, вниманието беше насочено кон Инвестицијата на Роналдо и неговата можност да игра за Алмерија.
“Во нашиот тим, пресреќни сме. Секако, го поздравуваме. Ова е одлична вест затоа што личност како него, со огромно познавање на спортот и фудбалот, може многу да придонесе за нашиот клуб,” изјави тренерот Руби.
“Ова е возбудливо за целиот клуб, градот и регионот. Веќе сте запознаени со добрите односи што Кристијано ги има со сопствениците,” додаде тој.
“Дали ќе игра за нас, тоа е негова одлука, но тоа би било нешто извонредно и навистина посебно. Ова е негов клуб и ако реши да продолжи да игра, кој и да е тренерот тука, ќе го пречека со отворени раце. Во тоа нема сомнение.”
Учество во игри на среќа е дозволено за лица со 18+ години. Играј одговорно!