ПСЖ го доби дербито, Реал броеше до пет, Арсенал во осминафинале

Исклучително возбудливи и ефикасни дуели беа видени вечерва во седмото коло од Лигата на шампиони.

Во меч со неверојатно второ полувреме ПСЖ со 4-2 го победи Манчестер Сити.По пет минути игра во второто полувреме Грилиш постигна гол за водство на Манчестер Сити од 1-0, а веднаш потоа Халанд погоди за предност на англискиот тим од 2-0.

Но, ПСЖ брзо се врати. Во 56. минута Дембеле намали на 1-2, а пет минути подоцна веќе беше 2-2 со гол на Баркола. Невеш погоди за комплетен пресврт, а Рамош ги постави конечните 4:2.

Најубедлив вечерва беше Реал Мадрид кој со 5-1 го победи Салцбург. Миланските клубови запишаа минумални победи со головите на Леао и Лаутаро.

Арсенал на домашен терен го совлада Динамо Загреб со 3:0 во натпревар во кој македонските интернационалци, Стефан Ристовски и Аријан Адеми одиграа 90 минути. Баерн беше поразен на гостувањето кај Феенорд.