Скандал: Во автобусот на славниот бразилски клуб пронајдени 86 килограми марихуана

Бразилскиот фудбалски клуб Сао Пауло се најде во средиштето на истрага во Боливија откако полицијата откри над 80 килограми марихуана во нивниот клупски автобус. Тимот престојуваше во Боливија за натпреварот од осмина-финалето на Копа Судамерикана.

Според информациите од локалните медиуми, боливиската полиција за време на рутинска контрола го сопрела автобусот додека превезувал играчи на Сао Пауло. При проверка на возилото било откриено точно 86.5 килограми марихуана. Полицијата веднаш уапсила тројца возачи и го запленила пронајдениот товар.

По инцидентот, бразилскиот клуб организирал нов автобус. Наводно, играчите на Сао Пауло не биле информирани за настанот додека не пристигнале на нивната дестинација во Санта Круз.

Целата ситуација го засени натпреварот од осминафиналето на Копа Судамерикана помеѓу Боливар и Сао Пауло, кој се одигра синоќа. Натпреварот заврши со резултат 1:1. Гостите поведоа преку голот на Роберто Арболеда, додека за Боливар израмни Мелгар во второто полувреме.

Plus de 80 kg de marijuana retrouvés dans le car du Sao Paulo FC lors de son déplacement en Bolivie
➡️ https://t.co/Ru6ThNRrYl pic.twitter.com/NMBIc6tqab

— L’Équipe (@lequipe) August 12, 2026