Бомбата е сервирана! Чави Ернандез станува селектор!

Според информациите што ги пренесува Мајк Вервај, поранешниот тренер на Барселона моментално преговара со Фудбалската федерација на Холандија за преземање на репрезентацијата.

Според извештаите, Чави во моментот е главниот кандидат за нов селектор на Холандија, а челните лица на нивната федерација сакаат што е можно побрзо да ја завршат целата работа.

Според најавите, целта е договорот да биде постигнат пред следната репрезентативна пауза.

За Чави, тоа би претставувало голем и нов предизвик во неговата тренерска кариера, откако претходниот период го помина на клупата на Барселона.

Шпанскиот стратег со каталонскиот гигант ја освои Ла Лига, а по напуштањето на клубот моментално е без ангажман.

Сега би можел да добие можност првпат во кариерата да води една репрезентација.

Особено е интересно што со евентуалното преземање на Холандија, Чави би добил можност да работи со генерација која има големи квалитети и амбиции на најголемите натпреварувања.

Сепак, засега нема официјален договор меѓу двете страни. Преговорите се во тек, а според информациите од Холандија, Чави во моментов е името што има најголема поддршка од челните лица на федерацијата.

Мајк Вервај наведува дека Холанѓаните сакаат што е можно побрзо да ја завршат приказната и да избегнат непотребно одолговлекување на преговорите.