Екипата на Шкендија вечерва направи историски успех и со победата над ФСЦБ (поранешна Стеуа) си обезбеди најмалку лигашка фаза во Конференциската лига, а овој успех за тетовскиот клуб носи и многу пари во касата.
Шкендија сега ја чека третото квалификациско коло од Лигата на шампионите, каде следен предизвик ќе биде силниот Карабах од Азербејџан. Доколку го поминат овој противник, ќе играат плејоф за влез во групната фаза од најелитното натпреварување, Лигата на шампионите.
Скопје троши вода како да има 1 милион жители! Каде е проблемот? ↓↓↓
Но и доколку бидат елиминирани од Карабах, ќе добијат уште една шанса, преку плејофот за Лига Европа. Дури и во најлошото сценарио, ако загубат и таму, Шкендија веќе има сигурен пласман во групната фаза на Конференциската лига, што значи уште најмалку шест европски натпревари до крајот на годината.
Освен спортскиот успех, тетовци може да се пофалат и со финансиски бенефит. Првичните калкулации велат дека и со порази во сите наредни натпревари, клубот ќе заработи околу пет милиони евра, сума што може значително да порасне, ако тетовци запишат уште некоја победа.
Учество во игри на среќа е дозволено за лица со 18+ години. Играј одговорно!