Перез се спрема за заминување од Реал, почна да бара наследник

По повеќе од четвртина век на чело на Реал Мадрид, претседателот Флорентино Перез веќе го разгледува прашањето кој ќе го наследи.

Според „Релево“, претседателот почнува да бара најсоодветна личност за еден ден да го преземе управувањето со еден од најпопуларните спортски клубови во светот.

Се претпоставува дека во рок од една година тој ќе биде подготвен со својот избор и ќе работи напорно на подготовка на дотичниот, помагајќи му со неговото искуство.

За два месеци Перез ќе наполни 78 години, поради што веројатно веќе размислува за повлекување од големата сцена.

Тој во моментов е во својот втор период како шеф на Реал Мадрид, кој започна во 2009 година. Пред тоа, Перез имаше уште шест години како претседател – помеѓу 2000 и 2006 година. За ова време, само фудбалскиот тим има освоено 37 трофеи, вклучувајќи по седум титули од Лигата на шампионите и Ла Лига.