Перез не е задоволен од Мбапе

Претседателот на Реал Мадрид, Флорентино Перез не е задоволен од настапите на Килијан Мбапе од доаѓањето во „кралскиот“ клуб.

Еден од проблемите со Мадрид е недостатокот на лидер, а според членовите на управата тоа би требало да биде Мбапе.

Францускиот интернационалец е привлечен со статус на ѕвезда. Реал Мадрид сака Мбапе што побрзо да стане главен играч во тимот.

Претседателот на „кралевите“, Флорентино Перез му порачал на тренерот Карло Анчелоти дека „ова не е Мбапе со кој потпишал“ пред неколку месеци.

Самиот Анчелоти, исто така, сака многу посилни настапи на теренот од 25-годишниот Французин.

Во тековната сезона Килијан Мбапе одигра 11 натпревари во Примера и постигна 6 голови.