Беа формирани пред девет години, а сега слават сензационална титула во домашниот шампионат

Европските фудбалски лиги стигнуваат до крајот, а мај ни нуди конечни разрешници и на врвот и на дното на првенствените табели.

Во сезоната што изминува видовме неколку сензации и позитивни фудбалски приказни, а на врвот дефинитивно се истакнува приказната од земјата на огнот.

Првпат во историјата ФК Сабах Баку стана првак на Азербејџан. Три кола пред крајот, Сабах има 75 бодови, 13 повеќе од второпласираниот Карабах.

Ова е една од неверојатните фудбалски приказни, од клуб кој е основан на 8. септември 2017 година, значи за неполни девет години стигнале на врвот на државата.