Mурињо му поставил услов на Реал Мадрид: Го сака она што го немаа ниту Алонсо, ниту Арбелоа!

Жозе Мурињо и натаму е сериозна опција за Реал Мадрид, сепак, иако е спремен веднаш да се врати во престолнината на Шпанија, има еден суштински услов, а тоа е – целосна оперативна контрола.

Имено, Мурињо бара да има апсолутна слобода во одлучувањето, особено во однос на сите фудбалери, без разлика на нивната репутација, да можат да бидат на клупа кога ќе го заслужат тоа.

Токму овој раскол меѓу ѕвездите на тимот и „работничката класа“ претставува најголем предизвик за одржување на рамнотежата во екипата, а таа рамнотежа е од клучно значење за современиот фудбалски успех.

Се разбира, Мурињо ќе има потешкотии да го добие ова право од играчите и соблекувалната отколку од Флорентино Перез, но ако му се обезбеди целосна поддршка и моќ на одлучување, само така може да го наметне својот авторитет и да ја осигура почитта на секој играч.

Познат е по строгата рака, но бидејќи резултатите недостасуваа во неговите последни клубови, често знаеше да се сврти против играчите или управата, што доведе до краткотрајност во секој од нив.

Иако кариерата на Мурињо полека се сопнува веќе неколку години, сега Реалу му е потребен некој кој покрај тактичките способности, ќе знае да го води тимот и како луѓе во соблекувалната.