Легенда жестоко удри по Дончиќ: Те плаќаат 50 милиони долари, издржи и играј!

Ситуацијата кај Лос Анџелес Лејкерси е на раб на паника откако во првата средба од полуфиналето на Западната конференција беа убедливо поразени од Оклахома Сити Тандер со 108:90. Лука Дончиќ се најде на удар на критики откако повторно не настапи поради повреда, што предизвика бурни реакции во американската јавност.

Словенечката ѕвезда се бори со повреда на задната ложа од втор степен уште од 2 април. И покрај надежите за брзо заздравување, ја пропушти целата прва рунда, но сега против Оклахома која е посериозен противник се чувствува неговото отсуство.

Меѓу најгласните критичари се истакна легендарниот борач Рик Флер, кој преку социјалната мрежа X испрати остро предупредување до Дончиќ.

“Лука, те молам, влези на терен! Земи кортизонски инјекција и издржи ја болката! Те плаќаат 50 милиони годишно, а не играш! Што е ова?! Се надевам дека Џини Бус ќе те размени следната година. Никој не сака играч на кој не може да смета!” напиша Флер.

Luka @lukadoncic, Please Get In The Game! Take A Shot Of Cortisone And Deal With The Pain! They Are Paying You 50 Million A Year, And You’re Not There! WTF! I Hope @JeanieBuss Trades You Next Year. Nobody Wants A Lame Duck On Their Team! pic.twitter.com/c5R2OvAltU

— Ric Flair® (@RicFlairNatrBoy) May 6, 2026