АРСЕНАЛ се пласираше во финалето на Лигата на шампионите првпат по 20 години. Топџиите на својот терен, со голот на Букајо Сака, го совладаа Атлетико Мадрид со 1:0. По ремито 1:1 во Шпанија, екипата на тренерот Микел Артета со вкупни 2:1 се пласираше понатаму. Во борбата за првата титула шампион на Европа, Арсенал ќе се соочи со Баерн или актуелниот првак ПСЖ. Натпреварот го коментираше тренерот на Арсенал, Микел Артета.
Улични кучиња: Системски или човечки проблем? | Уште еден поткаст
“Ова беше неверојатно искуство што го доживеавме заедно со играчите и целиот клуб. Чувството е извонредно. Сето она низ кое поминуваме сега добива значење. Гледам среќни и горди лица околу мене. Уште на почетокот навивачите не дочекаа пред стадионот, пренесувајќи ни ја својата енергија и страст. Тие поставија стандард, а ние го достигнавме. Години наназад посакувавме да ги направиме горди,” изјави Артета за Amazon Prime и додаде:
“Она што најмногу ме инспирираше кај мојот тим беше сплотеноста. Ги собрав на последниот тренинг и се извинив. Им реков дека ќе игра истиот состав како и последниот пат. Сите одговорија дека одлуката е моја и дека се подготвени да дадат сè додека е потребно. Потоа ме прегрнаа.”
Да потсетиме, Арсенал беше единствениот пат во финалето на најпрестижното клубско натпреварување во 2006 година, кога загуби од Барселона.
Учество во игри на среќа е дозволено за лица со 18+ години. Играј одговорно!