Официјално: Исник Алими кариерата ја продолжува во Кина

Репрезентативецот на Македонија, Исник Алими и официјално повеќе не е фудбалер на Сепси од Романија и кариерата ќе ја продолжи во Кина во редовите на Далијан Јунгбо.

Алими играше одлично во дресот на Сепси, а Кинезите тоа го забележаа и испратиле одлична финансиска понуда која ниту Сепси, ниту Алими не можеа да ја одбијат.

„Официјално може да објавиме дека Исник Алими продолжува во Далијан Јингбо од Кина.

Сакаме да му се заблагодариме на Исник за учинокот во дресот на Сепси и му посакуваме успех во понатамошниот дел од кариерата“, стои во објавата на Сепси.

Во кариерата Алими го носеше дресот уште на: Габала, Шибеник, Римини, Виченца, Форли, Лумецане, Киево, Новиград и Аталанта за која сепак немаше настап.