Oфицијално: УЕФА го објави распоредот – еве кога почнува и кога завршува новата сезона во ЛШ!

УЕФА денес го потврди датумот за почетокот и крајот на новата сезона во Лигата на шампионите.

Поради пандемијата со Ковид-19 оваа сезона во најелитното европско натпреварување ќе потрае нешто подолго, поточно до крајот на август, па поради тоа мораше да се помести и почетокот на наредната.

Денес УЕФА објави дека групната фаза во сезоната 2020/2021 ќе почне на 20. октомври и ќе трае до 9. декември кога ќе биде играно шестото коло. Кога во прашање е нокаут фазата таа ќе започне од 16. февруари, а финалето е закажано за 29. мај во Инстанбул.

КОМПЛЕТНИОТ РАСПОРЕД:

Прво коло – октомври 20/21, 2020

Второ коло – октомври 27/28, 2020

Трето коло – ноември 3/4, 2020

Четврто коло – ноември 24/25, 2020

Петто коло – декември, 1/2, 2020

Шесто коло – декември 8/9, 2020

Осминафинале – први натпревари: февруари 16/17 и 23/24, 2021. Реванши: март 9/10 и 16/17, 2021

Четвртфинале – први натпревари април 6/7, 2021, Реванши: Април 13/14, 2021

Полуфинале – први натпревари: април 27/28, 2021 Реванши: Мај 4/5, 2021

Финале – мај 29, 2021