Барселона ја финализираше позајмицата на Рашфорд од Манчестер Јунајтед и англискиот напаѓач беше официјално претставен како ново засилување за каталонскиот клуб пред неколку дена.
Рашфорд веднаш се приклучи на подготовките на Барселона за новата сезона и се најде на списокот на играчите на кои смета Ханси Флик во пријателскиот натпревар против Висел Кобе.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
На официјалното претставување, Рашфорд изјави колку е среќен што има можност да игра во дресот на Барселона и дека ќе направи сè што е можно за да ги оправда очекувањата и да ги убеди челниците на клубот да го откупат неговиот договор.
Едно од прашањата кои му беа поставени на Рашфорд се однесуваше и на неговиот статус во Манчестер Јунајтед, каде беше неочекувано отфрлен.
Сепак, иако е јасно дека на Олд Трафорд не доби сосема фер третман во изминатиот период, Рашфорд покажа дека е голем господин со она што го кажа за Манчестер Јунајтед.
Иако новинарот се обиде да извлече од Рашфорд некој „пикантан“ одговор, на крајот не успеа во тоа.
„Клубот се наоѓа во транзиционен период и тоа трае веќе некое време. Немам ништо лошо да кажам за Манчестер Јунајтед. Тој клуб е важен дел не само од мојата кариера, туку и од мојот живот“, рече Рашфорд.
Фото: Принтскрин
Учество во игри на среќа е дозволено за лица со 18+ години. Играј одговорно!