Норис најбрз на хаотичниот спринт во Мајами

Победник на хаотичниот спринт во Мајами е возачот на Мекларен, Ландо Норис.

На второ место се најде вториот Мекларен со Оскар Пјастри пред Луис Хамилтон во Ферари.

Стартот беше одложен за речиси половина час поради силниот дожд кој остави многу вода на патеката во Мајами.

Уште пред самиот старт, Шарл Леклер удри во заштитниот ѕид и го оштети болидот, а стартот беше одложен откако речиси сите возачи се пожалија на исклучително слабата видливост.