Ливерпул го финализира трансферот на францускиот талент, кој го договори уште зимата

Ливерпул официјално го привлече централниот бек на Рен Жереми Жаке за сума од 60 милиони фунти.

20-годишниот талент ги помина лекарските прегледи кај „црвените“ последниот ден од зимскиот трансфер период во февруари и трансферот беше договорен уште тогаш, но тој остана во Франција до крајот на сезоната 2025/26.

Ливерпул ќе плати фиксна сума од 55 милиони фунти, на која можат да се додадат уште 5 милиони во форма на можни бонуси, поврзани со настапите на играчот. Челзи испратил идентична понуда како таа на Ливерпул, но фудбалерот претпочитал да премине на „Енфилд“, каде потпишал петгодишен договор со опција за продолжување за уште една година.

Жаке доби повреда на рамото во февруари – малку откако беше јасно дека ќе игра за Мерсисјада. Потоа, тој направи операција, поради која од февруари повеќе не играше за Рен. Тој беше дел од клубот од Бретан од 2024 година, а во тој период забележал 33 натпревари со 1 асистенција. Има и 5 натпревари за младинските селекции на Франција.

Привлекувањето на Жаке, кој беше посакуван од многу клубови во Европа, е во согласност со стратегијата на Ливерпул да идентифицира и да носи нови таленти кои се нагорат. Просечната возраст на новите засилувања во првиот тим во последните два трансфер периоди е под 22 години.

Ливерпул веќе летово го донесе шпанското крило Виктор Муњоз од Осасуна за 40 милиони евра.