Незапирливиот Јокиќ воодушеви со трипл-дабл, Денвер славеше

Никола Јокиќ постигна 28 поени, додаде 10 скокови и 12 асистенции за својот 24-ти трипл-дабл оваа сезона, а Денвер Нагетс го совладаа Орландо Меџик со 112:90.

Денвер ја оствари петтата победа по ред без поголеми проблеми, а српскиот центар, еден од најголемите кандидати за Наградата за најкорисен играч (MVP), ја помина последната четвртина на клупата.

Трикратниот MVP на НБА лигата натпреварот против Орландо го заврши со шут 11/16, а повторно воодушеви со некои потези на теренот.

Јокиќ без да гледа му подаде совршена топка на Гордон за забивање, а коментаторот од натпреварот го прокоментира овој потег со: „Тој има очи на грбот.“