Неочекувана „бомба“ од Англија: Ливерпул се засили од Барселона!

Ливерпул направи голем потег на пазарот, а веста што дојде доцна во вечерните часови особено одекна меѓу навивачите на англискиот гигант.

Фабрицио Романо објави дека Ливерпул договори позајмица на Роналд Араухо од Барселона, со што екипата ќе добие ново решение во последната линија.

Познатиот италијански новинар на информацијата додаде и познатиот „Here we go“, што е знак дека работата, според неговите информации, е практично договорена.

Меѓу Ливерпул и Барселона е постигнат усмен договор, а работата сега влегува во завршна фаза. Според Романо, договорот е одобрен и од страна на спортскиот директор, Деко.

Доаѓањето на Араухо претставува големо изненадување, особено затоа што станува збор за фудбалер кој со години е еден од важните членови на каталонската екипа.