Српскиот тенисер Новак Ѓоковиќ се пласираше во четвртфиналето на турнирот во Мајами, откако ноќеска го победи 16. играч на АТП листата, Италијанецот Лоренцо Музети, со 6:2, 6:2 по два сета.
Петтиот тенисер во светот победи по еден час и 23 минути.
Street Workout Macedonia – Движење што гради сила, карактер и издржливост | Уште еден поткаст
Во првиот гем на првиот сет Италијанецот му го одзеде сервисот на Ѓоковиќ, но српскиот тенисер од третиот гем освои шест гема по ред, со три брејка, и стигна до предност.
Ѓоковиќ во вториот гем на вториот сет ја искористи втората брејк топка, а со сигурен сервис во следниот гем поведе со 3:0. До седмиот гем играчите беа сигурни на својот сервис, кога Ѓоковиќ го искористи првиот меч поен на сервис на Музети.
Во четвртфиналето, Ѓоковиќ ќе игра против 25. тенисер на светот, Американецот Себастијан Корда.
Учество во игри на среќа е дозволено за лица со 18+ години. Играј одговорно!