Младата ѕвезда на Јунајтед оди во Италија за 50 милиони евра?

Кварацхелија (23) е се поблиску до заминување од Наполи. Фабрицио Романо пред неколку дена откри дека Пари Сен Жермен се обидува да го ангажира Грузиецот и дека Наполи е отворен за продажба за 80 милиони евра.

Се пишуваше и дека ПСЖ не планира да плати толку голема сума и дека Французите се обиделе во зделката да го вклучат и Милан Шкринијар, кој не е во плановите на Луис Енрике.

Понатамошни извештаи од Италија и Англија велат дека се заинтересирани и клубови како Ливерпул и Челзи, но истакнуваат дека ПСЖ е фаворит за неговиот потпис. Потврдено е и дека Кварацхелија ги договорил личните услови со парижаните, па остана само договор меѓу клубовите за комплетирање на зделката.

На Наполи ќе му биде потребна алтернатива на левото крило, а според Спорт Италија ја нашле во Алехандро Гарначо, 20-годишниот Аргентинец и член на Манчестер Јунајтед. Гарначо стана се поважен член на тимот на Црвените Ѓаволи во текот на изминатата сезона. Минатата сезона имаше 10 гола и пет асистенции, а оваа сезона има учинок од осум гола и пет асистенции.