Mиовски по голот за финале: Бев изморен, тоа беше шут со последните сили!

Абердин вчера се пласираше во финалето на шкотскиот тим, а вистински херој на тимот беше македонскиот репрезентативец Бојан Миовски.

Миовски го постигна единствениот гол во натпреварот во кој Абердин играше и со играч помалку.

По натпреварот нашиот репрезентативец секако имаше причини за задоволство.

„Посебно е чувството кога ќе добиеш ваков натпревари и тоа пред своите навивачи. Беше тежок меч, но заслуживме да прославиме на ваков начин. Голот го постигнав со последните сили, со последниот шут што можев да го упатам.

 Бев изморен бидејќи играв како единствен напаѓач, а имавме и играч помалку. Верувавме во себе, стигнавме до шанса, постигнавме гол и сега сме во финале. Покажавме менталитет на теренот, се браневме многу добро и бевме концентирани до последната секунда. Горд сум на овие момци. Го оставивме срцето на терен“, изјави Миовски.

Противник на Абердин во финалето ќе биде подобриот од денешниот меч помеѓу Хартс и Глазгов Ренџерс.

🗣️ "It's always special when you win these type of games!"@AberdeenFC hero Bojan Miovski speaks following his match-winning goal ⚽#ViaplayCup | @spfl pic.twitter.com/eMiuPldrv3

— Viaplay Sports UK (@ViaplaySportsUK) November 4, 2023