Спалети блиску до потпишување нов договор со Јувентус

Тренерот на Јувентус, Лучано Спалети, е блиску до потпишување нов договор со овој фудбалски клуб до јуни 2027 година, пренесоа италијанските медиуми.

Како што се наведува, Спалети може да го продолжи договорот до јуни 2027 година, со можност за продолжување на соработката за уште една сезона.

Спалети на крајот од октомври го замени Игор Тудор на клупата, кога потпиша договор до крајот на оваа сезона.

Преговорите за новиот договор започнаа пред неколку недели, а двете страни се блиску до договор.

Јувентус е петти во Серија А со еден бод помалку од четврто пласираниот Комо, а Спалети има остварено 16 победи во 29 натпревари.

Откако дојде на 30-ти октомври, само Интер (50) и Милан (42) освоија повеќе поени од Јувентус (38) во Серија А.