Левандовски мораше да ја прекине својата голгетерска низа: “Бев свесен за ситуацијата”

Полскиот напаѓач Роберт Левандовски се вбројува меѓу најдобрите стрелци во историјата, но на крајот од сезоната 2022/2023 во Барселона беше принуден да престане да постигнува голови за да избегне исплата на дополнителна сума на Баерн Минхен. Ова го откри авторот Себастијан Сташевски во биографијата која ја напиша заедно со Левандовски.

„Барса се бореше за секое евро“

Левандовски сега официјално го коментираше ова. “Бев свесен за ситуацијата во клубот. Во тој момент, Барса се бореше за секое евро. Финансиски, тоа не влијаеше врз мене, немав проблем со тоа. Но, постојано си поставував прашање дали треба да постигнувам голови или не.”

Левандовски во почетокот на таа сезона направи трансфер од Баерн во Барселона за 45 милиони евра. Во неговиот договор имаше клаузула според која не смееше да постигне 25 или повеќе голови во шпанското првенство, инаку Барселона ќе мораше да исплати дополнителни 2,5 милиони евра на Баерн.

Како што Барселона беше (и сѐ уште е) во финансиски тешкотии, раководството го повика Полјакот на состанок и му нареди, кога достигна 23 гола, да престане да постигнува. Медиумите тогаш пишуваа за неговиот нагол пад во формата, но всушност стануваше збор за директива од раководството. Левандовски, и со 37 години, останува извонреден во Барселона кога не е повреден. Оваа сезона во првенството има девет настапи и седум постигнати гола.