Капело удри по Реал Мадрид: Анчелоти заслужува почит, ова е неправда

Поранешниот легендарен тренер Фабио Капело остро реагираше на шпекулациите што кружат во шпанските медиуми, според кои раководството на Реал Мадрид размислува да му врачи отказ на Карло Анчелоти.

Италијанецот, кој важи за еден од најтрофејните тренери во историјата на фудбалот, не ја криеше својата огорченост од начинот на кој се третира неговиот сонародник.

„Цврсто стојам зад Карло. Она што му се прави е неправедно и покажува длабок недостаток на почит. Зборуваме за тренер кој донесе бројни трофеи и го возвиши Реал во клучни моменти. Заслужува достоинствен третман, а не вакви јавни понижувања“, изјави Капело во одбрана на својот колега.

Фото: Принтскрин