Светот беше згрозен од начинот на кој беше пречекана химната на Иран во Калифорнија (Видео)

Пред почетокот на натпреварот меѓу Иран и Нов Зеланд во првото коло на Светското првенство, вниманието на јавноста не го привлече само тоа што се случуваше на теренот, туку и сцените од трибините на стадионот во Инглвуд, Калифорнија.

За време на изведбата на иранската химна, стадионот беше исполнет со гласни свирежи кои јасно се слушаа во телевизискиот пренос. Мнозина веднаш забележаа дека тоа не е вообичаена реакција на противничките навивачи, туку многу посложена приказна која ја следи иранската репрезентација на овој Мундијал.

Натпреварот се одигра во подрачјето на Лос Анџелес, град кој е дом на најголемата иранска диаспора надвор од Иран. Поради тоа, дуелот против Нов Зеланд од самиот почеток носеше посебна политичка и општествена тежина.

Оглушувачка мешавина од свирежи и повици за иранската национална химна. pic.twitter.com/7jjBNYhazf— Бен Џејкобс (@JacobsBen) 16 јуни 2026