Менаџерот на Манчестер Сити, Пеп Гвардиола, е свесен дека неговиот тим во овој момент е точно таму каде што заслужува да биде по серијата резултатски падови.
“Граѓаните” по поразот од Пари Сен Жермен (од 0:2 до 4:2) испаднаа од првите 24 тима на табелата во Лигата на шампионите, и така се доведоа во ситуација да зависат од исходот на мечот од последното коло.
Никогаш не мислев дека ќе зборам за мојата состојба на поткаст! ВТОРНИК/20:00 часот ↓↓↓
За Сити и Гвардиола, мечот против Бриж на 29 јануари е можеби и најважниот натпревар во сезоната бидејќи мора да победат за се изборат за плеј-оф во Лигата на шампионите, во спротивно би биле елиминирани..
“Имаме последна шанса дома против Бриж и се надевам дека ќе успееме да се квалификуваме,” оптимист е Гвардиола и по тешкиот пораз од Пари Сен Жермен.
Само победата им гарантира на Сити поминување.
“Може да се случи (да испаднеме). Ако не победиме, не заслужуваме да одиме понатаму. Да се игра последниот натпревар за да се помине е секогаш тешко, но тоа е нашата реалност. Досега не освоивме доволен број поени и мора да го прифатиме тоа. Мораме да направиме што треба да направиме,” е јасен Пеп.
Токму кога изгледаше дека Сити се крева, тоа може да се заклучи по неколку добри натпревари и победи, се случи катастрофа во Париз – дури четири примени гола за полувреме.
“Не можевме да се носиме (со ПСЖ). Кога еден тим е подобар, немам проблем да го прифатам тоа. Сега се подготвуваме за Челси и финалниот (натпревар) против Клуб Бриж. Мораме да ги победиме. Тоа е што мораме да направиме, да преживееме и да одиме понатаму. Знам дека играчите се трудат и дека имаат сомнежи, но кога некој тим е подобар, тоа едноставно мора да го прифатиш,” јасен е шпанскиот стручњак.
Учество во игри на среќа е дозволено за лица со 18+ години. Играј одговорно!