Фиорентина обезбеди голем потпис пред важниот европски натпревар

Тренерот на Фиорентина, Рафаеле Паладино, потпиша нов договор со клубот, објавено е на веб-страницата на Виола.

“Фиорентина објавува дека ја искористила клаузулата за продолжување на договорот на тренерот Паладино до 30 јуни 2027 година”, соопшти клубот.

Продолжувањето на соработката беше официјализирано ден пред возвратниот натпревар од полуфиналето на Конференциската лига, во кој “љубичестите” утре на домашен терен ќе се обидат да го надоместат минусот од еден гол против Бетис (1:2).

Фиорентина ќе се обиде по трет пат по ред да влезе во финалето на тоа натпреварување. Во претходните две сезони ги загубија натпреварите за титулата од Вест Хем и Олимпијакос.

Овој тим играше добро и во Серија А оваа сезона, а во моментов е осми на табелата со 59 поени.

Паладино (41) седна на клупата на Фиорентина минатото лето.

Првата тренерска работа ја имаше во Монца од 2022 до 2024 година.

Фото: ACF Fiorentina/FB